OFERTA DE EMPREGO PARA FORMAR PARTE DO EQUIPO DE NÓS
Publícase a oferta de 2 postos de traballo (descritos máis abaixo) vinculados ao Proxecto Nós a través da convocatoria pública 05/2024, publicada o 28 de febreiro de 2024
PRAZO DE SOLICITUDES: DO 29 AO 6 DE MARZO DO 2024 (ata as 23:59h)
CONVOCATORIA: Contratos de investigación da USC.
Realizarase a través da sede electrónica da Universidade de Santiago de Compostela, á que se pode acceder empregando calquera dos mecanismos de identificación e sinatura admitidos pola sede electrónica da USC. A documentación requirida para as candidaturas é: curriculum vitae (en PDF), copia da certificación académica e unha declaración responsable de que se cumpren os requisitos antes da data de fin de solicitudes. Publicarase a listaxe provisional de admitidos e excluídos no taboleiro electrónico da USC no prazo de 3 días hábiles despois do remate do prazo de solicitudes, é dicir, entre o 7 e o 11 de marzo.
-
Código da praza: 2023-CP032.01
Categoría laboral: Investigador/a asociado/a
Traballo a realizar: Dirección e supervisión do traballo científico e técnico para as tarefas relacionadas co deseño e elaboración de recursos textuais.
Titulación requirida: Doutoramento en Lingüistica Computacional
Duración do contrato: 21 meses
Retribución bruta mensual: 2.219,74 € (aplicarase o rateo das pagas extraordinarias en 12 mensualidades)
Xornada laboral: Xornada completa (35 horas)
Institución: Centro Singular de Investigación en Tecnloxías Intelixentes (CiTIUS)
Lugar de traballo: Edificio Fontán, Cidade da Cultura
-
Código da praza: 2023-CP032.00
Categoría laboral: Investigador/a colaborador/a
Traballo a realizar: Colaboración no deseño de datos para a adaptación a múltiples tarefas de grandes modelos de lingua de galego e multilingües, e experimentación con software e librarías para esa adaptación mediante uso de instrucións.
Titulación requirida: Grao, licenciatura, enxeñaría, arquitectura ou en Lingüistica.
Duración do contrato: 21 meses
Retribución bruta mensual: 1687,21 € (aplicarase o rateo das pagas extraordinarias en 12 mensualidades)
Xornada laboral: Xornada completa (35 horas)
Institución: Centro Singular de Investigación en Tecnoloxías Intelixentes (CiTIUS)
Lugar de traballo: Edificio Fontán, Cidade da Cultura
Unha comisión especializada de selección revisará as solicitudes e puntuará os méritos de cada persoa candidata seguindo o baremo de puntos establecido na convocatoria. Realizarase unha entrevista persoal ás persoas candidatas que acaden na suma dos méritos un mínimo de 50 puntos.
A resolución reitoral de selección publicarase no taboleiro electrónico da USC. O prazo máximo para a resolución desta convocatoria é dun mes.
