Convocatoria de tres prazas no ámbito das tecnoloxías da fala
Están abertas dúas novas oportunidades profesionais no Proxecto Nós para desenvolver no Instituto da Lingua Galega (ILG). O prazo límite para presentar as solicitudes remata o 31 de outubro.
Están abertas tres novas oportunidades profesionais no Proxecto Nós-ALIA para desenvolver no Instituto da Lingua Galega (ILG). Forman parte da Convocatoria Pública Ordinaria 17/2025 e a data límite para presentar as solicitudes remata o 31 de outubro. Velaquí un resumo das características das prazas:
DÚAS PRAZAs (ref. 2025-CP006.00)
Principais tarefas:
- Confección de scripts para a limpeza e procesamento de texto e audio.
- Desenvolvemento de ferramentas para a creación de recursos de voz destinados a sistemas ASR (Automatic Speech Recognition) e TTS (Text-to-Speech).
- Participación na elaboración de modelos ASR e TTS multilingües.
- Colaboración na redacción de memorias técnicas e outra documentación asociada ao proxecto.
Requisitos de titulación:
- Grao en Enxeñaría Informática ou Enxeñaría de Telecomunicacións
- Dobre grao en Enxeñaría Informática e Matemáticas, ou titulacións equivalentes.
- As titulacións de áreas afíns serán valoradas proporcionalmente segundo a súa afinidade.
Condicións:
- Xornada: tempo completo (35 h / semanais).
- Retribución bruta mensual: arredor de 1.729,39 € (Aplicarase o rateo das pagas extraordinarias en 12 mensualidades).
- Duración: 5 meses, con inicio a partir da resolución da praza.
UNHA PRAZA (ref. 2025-CP006.02)
Principais tarefas:
- Apoio á coordinación de tarefas de desenvolvemento de ferramentas para a creación de recursos de voz para ASR (Automatic Speech Recognition) e TTS (Text-to-Speech).
- Colaboración na coordinación do desenvolvemento de modelos ASR e TTS multilingües.
- Deseño de experimentos e métricas de avaliación.
- Elaboración de memorias técnicas e outra documentación do proxecto.
Requisitos de titulación:
- Titulación en Enxeñaría Informática, Telecomunicacións ou Dobre Grao en Informática e Matemáticas.
- Formación e experiencia acreditable en ASR e TTS.
Condicións:
- Duración: 3 meses (a partir da resolución da praza)
- Xornada: tempo completo (35 h/semanais)
- Retribución bruta mensual: 1.729,39 € (máis complementos de proxecto de 282,02 € e de dedicación de 170,87 €.
