Chamada á colaboración empresarial no marco de ALIA – Proxecto Nós
Tes un produto, un servizo, unha aplicación ou unha idea que queres desenvolver en galego? ALIA – Proxecto Nós lanza unha chamada dirixida a empresas e entidades que queiran beneficiarse do noso apoio e recursos para o desenvolvemento de casos de uso baseados en tecnoloxías lingüísticas e intelixencia artificial en galego.
O Proxecto Nós é unha iniciativa estratéxica orientada a reforzar a presenza do galego na tecnoloxía dixital, impulsando o desenvolvemento de recursos lingüísticos, modelos de intelixencia artificial e ferramentas que permitan o seu uso natural en contornas actuais e futuras.
No marco do proxecto ALIA, ábrese unha chamada á colaboración público-privada dirixida a empresas e entidades interesadas en participar na ideación, deseño e desenvolvemento de casos de uso que apliquen os recursos derivados do Proxecto Nós ao longo de todas as súas fases de execución.
Terase en conta:
- O posible potencial de impacto da proposta.
- A innovación da proposta.
- O grao de uso dos recursos dispoñibles.
- A viabilidade da proposta.
